सखि ऊ दिन अब कब अइहैं,
पिया संग खेलब होरी ।

बिसरत नाहिं सखी मन बसिया
केसर घोरि कमोरी ।
हेरि हिये मारी पिचकारी
मली कपोलन रोरी ।
पीत मुख अरुन भयो री –
पिया संग खेलब होरी ।

अलक लाल भइ पलक लाल भइ
तन-मन लाल भयो री ।
चुनरी सेज सबै अरु नारी
लाल ही लाल छयौ री ।
आन कोउ रंग न रह्यौ री –
पिया संग खेलब होरी ।

भ्रमित भई तब भरि अँकवरिया
धरि अँगुरिन की पोरी ।
पंकिल गुन-गुन गावन लागे
प्रेम सुधा-रस बोरी ।
अचल सुख उदय भयो री –
पिया संग खेलब होरी । 

–प्रेम नारायण ’पंकिल’

Categorized in:

Ramyantar,

Last Update: June 19, 2021